آخشام چاغي هر گون كيمي ائوه گلديم چوخ يورقون و چوخ كووركلي ديم تيلويزيوني آچيب و سهند شبكه سينين سمتينه چووروب و كندلر برنامه سينه تاماشا ائديرديم كي گوردوم هوراند بخشينده ، هوواي كنديني گوسترير
منه چوخ كووركلي بير خاطيره اولدي بونه گوره كي خانوملر كندين آراليقينده هانا اوزاديب و جئجيم توخوماقا مشغول اولموشديلر منيم ياديمه چوخ خاطيره بير سينما پرده سي كيمين دوشوب و مني درده گتيردي آخي منيم اوشاق چاغومده رحمتليق آنام يوخاري باغوموزده هانا اوزاداردي و بوياخ بوياخ جئجيم توخوردي آنامون ايپك ايپلره قليج وورماسينين سسي هله ده وار قولاقيمده دير نه دئيم كي بير داها مني او برنامه اونلر ايل اونجييه آپاروب و مني بيرده اوشاق ائتدي
حئيف اولسون آنا او جئجيملردن
منه بير ياديگار قالمير بو گونلر
كوورلدير اوره گي كوورلدير مني
مندن اوزاق دوشموش او شيرين ديللر
هارداسه منيم اورگيم او گونلردن اوتري و آنامدن اوتري سئرچه گوشو كيمين اسير
هئچ يادومدن چيخمز كي بير گون ياي فصيلينده يولوم قارا داغدا آغجه قالا يئيلاقينده آرپا يوردونده رحمتليق عئشقلي اوباسينه دوشدو، من او گون دوسلاريله اوردان باكي سفرينه گئديرديم عئشقعلينين قيزي هانا اوزادميشدي و اوني توخوردي، من هويله سك ايسته ديم او هانادان شكيل و فيليم گوتورم او اوتانيب و اوزون بورودي عئشقعلي قيزينه سويله دي كي آي قيز ايجازه وئر بير تاريخ بويو ال صنعتينين فيلميني او يازسين و منه اوده بير بويوك خاطيره اولوب نييه كي من سونرادا او يئردن يولومي سالديم آمما عئشقعلي آلله رحمتينه چاتميشدي
اولمه سين ائليمي اولمه سين هوس
قوي هئي ديري قالسين جانلارده نفس
ياشاسين ائليمي ياشاسين ائللر
هئچ اونودولمه سين رسيملر،ديللر
1389/10/11
No comments:
Post a Comment