چوخ زاماندی کی هر سوزوموز سیاست و پولیتیک اولوب ائله اوشاقا ده دئیسن چکیل اویانا اونی پولیتیک بیلیب و آغر جاواب قایتریر . نه اولار کی بیر بیریمیزله آیدین و شففاف اولاق و یاشاییشیمیزی هر بیر یالان ،پالانا قاتمییق. دونیا نه بوگون یارانوب و نه بوگونده ائله باتاجاق .هر یئنیشین یوخوشی وار و هر گئجه نین گوندوزی. نقدر چالیشیرم کی گئچن کی صداقتلری بیرده گورم مومکون اولابیلمیر صداقتلر قالیب چایون اوتایوندا و بیز قالموشوق چایین بوتایینده
ایندی کی ارتباطلر و ایلیشیگلر چوخالیب آمما آیرلیقلرده ائله چوخالیب و اینسانا امکان وئرمیر کی اوزی ایستدیقی کیمین یاشاسین و اورگی سئودیقی کیمین سئوسین
یاشاییش بیر سویوق اوجاقا بنزییر کی نقدر ده اونا یاناجاق تونقار وورورسن او آلیشمیر و اونون چیرتیلتی سسی قولاقا یئتمیر و گوستریر کی نه بویده بیز صداقت عالمینن اوزاق توشموشوق
کئچن گونلرین شیرینلیقی هئچ واخ داها تیکرار اولمور و اینسانی اولارا حسرت قویوب و هیجراندا یاشادور
گلین بیر یئره یغیشیب بیرده بیر بیریمیزه مئهربان اولاق بیر بیریمیزی اونوتمییاق و یالان سوزلره گوره آیرولوق سئوداسینه توشمییاق
مگر دونیادا نقدر یاشاییش اولاجاق کی بیز آیرولوقا فیکیرله شیریق
سیاست هر نقدر گوجلوده اولسا بیر گون اوز باشین یییر و هر عصرین اوز حوکمو وار کی نه سنین سوزووه باخیر و نه منیم سوزومه
آمما شئر ، سوز و هونر دونیاسی بیر باشقا عالمدیر کی هر اینسانی گنج ساخلاییب و اورگین شاد و جاوان ساخلار. فیکیری آچیق و اینسانی آییق ائیلر
دوزدو کی دوشونماق اوزی ده باشا بلا دور آمما ادبییات عالمینین دوشونجه سی آیری عالملرله فرقیلیدی
قادیر آلله دن بونی ایستیرم کی بیزی دوشونجه عالمینده دوسلردن آیری سالمسین
No comments:
Post a Comment